Betra jafnvægi: Að vingast við heilann, taugakerfið og líkamann
Námskeiðið hentar fólki sem upplifir einkenni streitu og örmögnunar, fólki með áfallasögu eða þeim sem finna fyrir mikilli spennu í líkamanum. Markmiðið er að skilja hlutverk heilans og taugakerfisins þegar ójafnvægi hefur átt sér stað vegna langvarandi álags.
Unnið er með að auka öryggi í taugakerfinu og minnka tímann sem fer í aftengingu eða sjálfstýringu. Engin fyrri reynsla af jóga er nauðsynleg.
Yfirlit yfir námskeiðið
- 1. tími: Kynning og grunnhugmyndir. Af hverju er yin jóga notað?
- 2. tími: Taugakerfið: Skilningur á gamla og nýja heilanum.
- 3. tími: Polyvagal kenningin og flökkutaugin – leiðin að betra jafnvægi.
- 4. tími: Streita og sjúkleg streita. Áhrif á heilann og líkamann.
- 5. tími: Öndun og núvitund sem bjargráð til að upplifa öryggi.
- 6. tími: Um áfallastreitu og hvernig afleiðingar hennar birtast á fullorðinsaldri.
- 7. tími: Tilfinningastjórnun: Að takast á við óþægilegar tilfinningar og doða.
- 8. tími: Lokatími: Lengri iðkun, samantekt og umræður.
Kennsla og fyrirkomulag
Hver tími skiptist í tvennt: Fyrri hlutinn er fræðsla en í seinni hlutanum er farið í yin jóga iðkun og djúpslökun. Þátttakendur fá vinnubók með námsefninu.
Leiðbeinandi
Unnur Vala Guðbjartsdóttir, sálfræðingur og yin jóga kennari.